هەڵەیەک روویدا! دووبارە هەوڵبدە
شرۆڤەکاران لەدوای جەنگی دووەمی جیهانییەوە ئەمە بە هەستیارترین هەڵبژاردن ناودەبەن.
رووداو دیجیتاڵ
ئەڵمانیا لە قۆناخێکی گرنگ دایە، هەڵبژاردنێکی لەبەردەمە کە شرۆڤەکارانی سیاسی بە هەستیارترین هەڵبژاردنی وڵاتەکە ناوی دەبەن. لەدوای جەنگی جیهانیی دووەم، لە قۆناخی مانەوە لە سیاسەتی لەمێژینە یاخود گۆڕانکاری نەوەی نوێ دەنگی خۆیان دەبێت.
زۆیی، هاووڵاتییەکی ئەڵمانییە و 20 ساڵە، زۆر بە پەرۆشە بۆ یەکەمین جار دەنگدانی بە هەڵبژاردنی بوندستاگ.
زۆیی سانز دەڵێت، "زۆر نیگەرانم لە ئەنجامی ئەو راپرسییانەی کە ئێستا دەرکەوتوون بەهۆی AFD، بەڕاستی لە هەموو شتێک زۆر نیگەرانم کە روودەدات لە دەوروبەرمان، زۆر خۆپێشاندان و چالاکی کراوە هیوادارم جێگەی خۆی بگرێت."
فۆبی هاوڕێیە لەگەڵ زۆیی، ئەو تەمەنی 21 ساڵە و نڤیشکانە، دەنگ بە پارتێک دەدات کە پرۆژەی باشیان بۆ نڤیشکان و گەنجان هەبێت، ئەو کچە گەنجە هێندە وریایە لە سیاسەت، ورد و درشتی پڕۆژەی پارتەکانی هەڵسەنگاندووە.
فۆبی لیۆنی رۆت، "من بڕوام بە دی لینک هەیە، پارتی چەپ، هەروەها سەوزەکان، چونکە من دەمەوێت کەسانێک ببینم کە گۆڕانی کەش و هەوایان بۆ گرنگ بێت، بابەتێکی زۆر زۆر گرنگ کە زۆرینەی یاخود بڵێم هیچ کام لە پارتەکان پرۆژەی جیدیان نییە ئەمجارە"
ئەم هەڵبژاردنە هەر بۆ گەنجانی ئەڵمان نا، بگرە کچ و کوڕە گەنجە کوردەکانیشی بە جۆش و خرۆش کردووە، کامیلا خەڵکی قامیشلۆیە و یەکەمجارە مافی دەنگدانی لە ئەڵمانیا هەیە.
کامیلا خەلەف باس لەوە دەکات، "ئێمە زیاتر لەگەڵ پارتی SPD کار دەکەین، چونکە ئەوان دێنە لای ئێمە و ئێمەش دەڕۆین بۆ لایان، پێمان دەڵێن چیمان پێویستە و چیمان کەمە و ئەوان زۆر هاوکاریمان دەکەن."
رامانی تەمەن 22 ساڵ خەڵکی عەفرینە، لە یەکەم دەنگی متمانە دەداتە پارتی چەپ.
رامان عەلی، لەبارەی دەنگدانی بە پارتی چەپ باس لەوە دەکات، "هەستێک لە نێو مندا هەیە و دەڵێن ئازادی یان شتێک کە دەڵێت تۆ دەتوانی داهاتووی خۆت بە دەستی خۆت بنووسی، بۆ من لە هەمووی سەرنجڕاکێشتر پارتی دی لینک، SPD و سەوزەکانیش، بەڵام سەوزەکان 100٪ نا، بەڵام ئەویشی تێدایە، پارتە چەپەکان، بەڵام ئەوەی کە سەد لە سەد من حەزی پێدەکەم دی لینکە.
دەنگدەرانی گەنجی ئەڵمانیا تەنیا سەرنجیان لەسەر پرسە ناوخۆییەکان نییە، بەڵکو گرنگی بە گرفتە جیهانییەکان دەدەن. وەک گۆڕانی کەشوهەوا، گۆڕانکاری دیجیتاڵی و مافەکانی مرۆڤ.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ