هەڵەیەک روویدا! دووبارە هەوڵبدە
کرێکارانی کۆڵن بۆ دابینکردنی ژیانێکی خۆشتر گردبوونەوە.
رووداو دیجیتاڵ
بەشێک لە هاووڵاتییان لە شاری کۆڵنی ئەڵمانیا بەهۆی خراپیی گوزەرانەوە گردبوونەوە و دەڵێن، مافی خۆیان پێنادرێت.
فینیا مولەر فەرمانبەرە و دەڵێت: ''دەبێت ئەو پارەیەی بۆ چەک و پێداویستییە سەربازییەکان خەرج دەکرێت، بۆ ئێمە خەرج بکرێت، نەوەک بدرێت بە چەک و پێداویستیی سەربازی، چونکە ئێمە هۆکاری بوونی ئەو پارەیەین، کەچی پارەی پێویست بە ئێمە نادەن. دەبێت پارە بدرێتە ئێمە و ئەو کەسانەی لە نەتەوەی خۆمانن و کاردەکەین، نەوەک ئەوەی پارەکە لەو شتانەدا خەرج بکرێت کە دەبێتە هۆی کوژرانی خەڵکی بێتاوان لە شوێنی دیکەی جیهان''.
23ی ئەم مانگە هەڵبژاردنی پەرلەمانی ئەڵمانی بەڕێوەدەچێت. پرسی ئابووری یەکێک لە سەرەکیترین ئەو مژارانەیە پارتەکان کاری لەسەر دەکەن و بانگەشەی لەبارەوە دەکەن.
ئیڤان عیدۆ، قوتابییەکی دانیشتووی شاری کۆڵنە و دەڵێت: ''نامانەوێت پارتی جێگرەوە بۆ ئەڵمانیا دەسەڵات بگرێتە دەست. با شتەکان لە ئەڵمانیا هەندێک هەرزان بن، چونکە لە ئەڵمانیا بدۆخ خراپە و هەموو شتێک گرانن''.
عەبدوڵڵا ئەحمەد کوردێکی دیکەی دانیشتووی شارەکەیە و شۆفێری تاکسییە، دەڵێت: ''ئەو پارەیەی دەستی دەکەوێت بەس بەشی ئەوە دەکات بژی و نەمرێت''.
ئەندریاس گرۆتچینگەر ئەکتەرە و هیوادەخوازێت ئەنجامی هەڵبژاردنی پەرلەمانی ئەڵمانیا ببێتە مایەی ئەوەی وڵاتەکە پشتیوانیی زیاتری ئۆکراینا بکات و دەڵێت: ''بۆ ئەوەی ئۆکراینا بتوانێت شەڕ بۆ ئازادی بکات''.
کۆڵن شارێکە، زۆرترین نەتەوە، ئایین و ئایدۆلۆژیای جیاوازی لە ئەڵمانیا لەخۆگرتووە.
فیراس ناسر، خاوەنکارێکی دانیشتووی شارەکەیە و دەڵێت، هیوادارن وڵاتەکەیان پشتیوانی لەو پەناخوازانە بکات کە مافی مانەوەیان نییە.
گوندولا ئێندەمان، توێژەرێکی کۆمەڵایەتییە و پێیوایە، سەرەکیترین شت لە هەر وڵاتێک کەرتی پەروەردەیە و دەبێت دەوڵەت پاڵپشتی لە خێزانەکان بکات بۆ ئەوەی بتوانن داهاتووی منداڵانی وڵاتەکە بپارێزن.
بەگوێرەی زانیارییەکان، 40٪ی دانیشتووانی ئەو شارە پەنابەرن. کورد لە دوومین ریزبەندی نەتەوە پەنابەرەکانی شارەکەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ