رووداو دیجیتاڵ
ئیگۆر تودۆر بەفەرمی سەرپەرشتی یەکەم مەشق و راهێنانەکانی یانەی یوڤێنتوسی کرد
دوای ئەوەی لە شوێنی تیاگۆ مۆتا وەک راهێنەری یوڤێنتوس دەستبەکاربوو. مۆتا لە 24ـی ئەم مانگە لە پۆستەکەی دوورخرایەوە و یانەکە بەخێرایی تیۆدۆری وەک جێگرەوەی کاتیی خۆی تاوەکو کۆتایی وەرز راگەیاند
پێش رۆیشتنی مۆتا، چەندین راهێنەری ناسراو، لەنێویاندا رۆبێرتۆ مانچینی و ئەنتۆنیۆ کۆنتی، بەربژێربوون بۆ وەرگرتنی ئەو پۆستە، بەڵام یوڤێنتوس تیۆدۆری هەڵبژارد، چونکە ئامادەبوو گرێبەستێکی کورتخایەن واژۆ بکات
ئێستا یوڤێنتوس لە پلەی پێنجەمی ریزبەندیی خولی ئیتاڵیادایە و لەم وەرزەدا هیچ نازناوێک نەماوە رکابەری لەسەر بکات.
ئامانجی سەرەکی تیۆدۆر یارمەتیدانی تیپەکەیە بۆ ئەوەی لە چوار پلەی سەرووی ریزبەند کۆتایی پێبهێنێت
یوڤێ 9 یاری ماوە بۆ ئەوەی بتوانێت ئەمە ئەنجام بدات، لە یارییەکەی ئەمڕۆ شەممە بەرامبەر جێنەوا لە یاریگای خۆی دەستپێدەکات.
هەروەها یانەکە گرتە ڤیدیۆییەکی تیۆدۆریان بڵاوکردووەتەوە کە سەرکردایەتی یەکەم مەشقەکانی تیپەکەی کردووە
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ