رووداو-هەولێر
فەرهاد مەجیدی، راهێنەری یانەی ئیستقلالی ئێرانی لەگەڵ وریا غەفووری کاپتن و ئەستێرەی یانەی ئیستقلال بەشدارییان لە کۆنگرەی رۆژنامەڤانیی دوای یارییەکەیان بەرامبەر بە شورتە کرد.
فەرهاد مەجیدی باسی خراپی یاریگەی فرانسۆ هەریری کرد و سەری سوڕماوە کە نازانێت چۆن ئەم یاریگەیەیان دیاریکردووە، ئەمە لە کاتێکدا پێشتریش یانەی ئیستقلال گلەییان لە یاریگەی فرانسۆ هەریری هەبوو.
فەرھاد مەجیدی گوتی: لە ئەنجامی یارییەكە و یاریگەكە نارازیبووم و نازانم چۆن ئەم یاریگەیە بۆ یارییەكە دیاریكراوە.
لە وەڵامی رووداودا دەڵێت: یاریزانەكانم لاون و ئەوانەی ئەمڕۆ یارییانكرد پێشانیاندا كە لەوانە كەمترنین كە پێكانیان ھەیە، لە داھاتوودا باشتر دەبین و دەتوانین بگەینە قۆناخی داھاتوو.
وریا غەفووری بەباشترین یاریزانی یارییەكە دیاركرا بە رووداوی گوت: دڵخۆشم لەنێو كورددا ئەو ژمارە زۆرەی ھاندەرم ھەیە و خانمانیش ئامادەبوون ھیوادارم لە ئێرانیش لە داھاتوودا خانمان بتوانن ئامادەی یارییەكان ببن و سوپاسی ھاندەران دەكەم.
یارییەکە لە یاریگەی فرانسۆ هەریری لە شاری هەولێر ئەنجامدرا و هەردوو یانە بە خاڵێک و بە گۆڵێک رازی بوون.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ