هیلال و شورتە
رووداو دیجیتاڵ
یانەی هیلالی سعودی، یانەی شورتەی عێراقیی گۆڵبارانکرد و دووەم بردنەوەی لەسەریەکی لە رکابەرییەکانی چامپیۆنزلیگی بژاردەی ئاسیادا تۆمارکرد.
یارییەکە لە ریاز بەڕێوەچوو، دوای تەنیا 10 خولەک لیۆناردۆی بەرازیلی گۆڵی پێشکەوتنی بۆ یانە سعودییەکە تۆمارکرد.
دوای پێنج خولەک لەو گۆڵە، ئەلیکساندەر میترۆڤیچ گۆڵی دووەمی بۆ هیلال تۆمارکرد، دوای ئەوە شورتە مەترسییەکی خستە سەر گۆڵی هیلال، بەڵام بێ سوود بوو.
لە یەکەم خولەکی نیوە دووەمدا، سالم دوسەری بۆ جاری سێیەم تۆڕی یانەی شورتەی هەژاند.
لە خولەکی 72 ناسڕ دوسەری، خاوەن یاریگەی کردە خاوەنی چوار گۆڵ.
لە دوایین خولەکی یارییەکەدا، محەممەد کنۆ بەلێدانێکی بەهێز، بۆ جاری پێنجەم تۆڕی ئەحمەد باسلی هەژاند، یانەی هیلال یارییەکەی بە پێنج گۆڵی بێبەرامبەر بردەوە و دووەم بردنەوەی لەسەریەکی لە چامپیۆنزلیگی ئاسیادا تۆمارکرد.
هیلال بەبردنەوەی ئەم یارییە بووە خاوەنی شەش خاڵ لە دوو یارییدا و یانەی شورتە تەنیا یەک خاڵی هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ