رووداو دیجیتاڵ
لە پارێزگای ئامەدی باکووری کوردستان گەنجێکی سووری لەنێو رووباری دیجلەدا خنکا.
رووداوەکە رۆژی چوارشەممە 28ی حوزەیرانی 2023 لە گوندی بۆزچاڵی سەر بە شارۆچکەی بسمیل روویدا و ئەمڕۆ چوارشەممە تەرمەکەی لەنێو ئاوی رووبارەکەدا دەرهێندرا.
ئەو گەنجە کە ناوی "ئە. ئە. هـ."یە و تەمەنی 27 ساڵە، خەڵکی سووریایە، لە یەکەم رۆژی جەژنی قورباندا بە مەبەستی خۆ فێنککردنەوە چووەتە نێو رووبارەکە و دواتر ونبووە.
دوای ئاگادارکردنەوەی لایەنە پەیوەندیدارەکان، تیمەکانی ئافاد، تەندروستی و جەندرمە رەوانەی شوێنی رووداوەکە کراون.
تیمەکانی ئافاد ئەمڕۆ تەرمی گەنجەکەیان لەنێو رووبارەکەدا دۆزییەوە و بە مەبەستی پشکنین ناردیان بۆ دادپزیشکیی دادی ئامەد.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ