فڕۆکەی تورکیا سنووری گوندی مەرانێ لە بناری چیای گارە بۆردوومان دەکات

23-07-2022
ناسر عەلی
A+ A-

رووداو دیجیتاڵ

پەیامنێری رووداو رایگەیاند، فڕۆکەی تورکیا سنووری گوندی مەرانێ -ی لە ناحیەی چەمانکێ بۆردوومان کرد، هاونیشتمانییەکی خەڵکی ناحیەکەش دەڵێت، هیچ زیانێکی گیانی نەبووە.
 
ناسر عەلی، پەیامنێری تۆڕی میدیایی رووداو لە دهۆک رایگەیاند، بۆردوومانەکە کاژێر 17:15ـی ئێوارە بووە و فڕۆکەی تورکیا دووجار لەسەر یەک سنووری گوندی مەرانێ -ی لە پارێزگای دهۆک بە دووری 10 کیلۆمەتر لە ناحیەی چەمانکێ بۆردوومان کرد.
 
هاوکات سەعید سیدەری، هاونیشتمانییەکی خەڵکی چەمانکێیە، لەبارەی ئەو بۆردوومانەی فڕۆکەی تورکیا ئەمڕۆ شەممە 23-07-2022 بە تۆڕی میدیایی رووداوی گوت، بەپێی زانیارییەکانی ئەوان، بۆردوومانەکە هیچ زیانێکی گیانی نەبووە، بەڵام ترس و دڵەڕاوکێی لای خەڵکی گوندەکە دروستکردووە.
 
ئەو بۆردوومانەی فڕۆکەی تورکیا لەکاتێکدایە کە رۆژی 20-07-2022 تورکیا شوێنێکی گەشتیاری لە گوندی پەڕەخی سنووری زاخۆ تۆپباران کرد و بەهۆیەوە 9 گەشتیار گیانیان لەدەستدا و 26ـی دیکەش بریندار بوون، ئەوەش کاردانەوەی نێوخۆیی و نێودەوڵەتیی لێکەوتەوە.
 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

ژمارەیەک حاجیی هەرێمی کوردستان لەکاتی بەڕێکەوتنیان بۆ مەککە..

وەزیری گواستنەوەی عێراق: تاوەکو 24ـی مانگ سەرجەم عومرەکاران لە سعودیەوە دەگەڕێندرێنەوە

وەزیری گواستنەوەی عێراق رایگەیاند ژوورێکی ئۆپەراسیۆنی تایبەت بە پڕۆسەی هێنانەوەی عومرەکانی هەرێمی کوردستان لە سعودیە پێکهێنراوە و رۆژانە چوار گەشت بۆ ئەو مەبەستە دەبێت و تاوەکو رۆژی سێشەممە هەموویان دەگەڕێندرێنەوە.