کوردستان
بافڵ تاڵەبانی، سەرۆکی یەکێتی و ژەنەراڵ ماتیۆ مەکفارلان، فەرماندەی هێزەکانی هاوپەیمانان لە عیراق و سووریا
رووداو دیجیتاڵ
سەرۆکی یەکێتیی نیشتمانیی کوردستان دەڵێت، حیزبەکەی "بەهەموو شێوەیەک" پشتگیریی یەكخستنەوەی هێزی پێشمەرگە دەكات.
رۆژی شەممە 19-08-2023، بافڵ تاڵەبانی، سەرۆکی یەکێتیی نیشتمانیی کوردستان لە بەغدا لەگەڵ ژەنەراڵ ماتیۆ مەکفارلان، فەرماندەی گشتیی هێزەکانی هاوپەیمانان لە عیراق و سووریا کۆبووەوە کە بەهۆی کۆتاییهاتنی ئەرکەکەی دیدارەکەیان رێکخستبوو.
لە کۆبوونەوەکەدا، بافڵ تاڵەبانی ستایشی رۆڵی ژەنەراڵ ماتیۆ مەکفارلانی كردووە كە لە ماوەی كاركردنیدا هاوكار و هاوئاهەنگ بووە لە كردە سەربازییەكان دژی داعش و هاریكارییە سەربازییەكانی نێوان هەرێمی کوردستان و بەغدا.
بافڵ تاڵەبانی: یەكێتی بە هەموو شێوەیەک پشتگیریی یەكخستنەوەی هێزی پێشمەرگە دەكات و دەیەوێت هێزێكی نیشتمانیی تۆكمە بۆ پاراستنی كوردستان بونیاد بنرێت، بەڵام بەشێوەیەكی دادپەروەرانە و دوور لە بەرژەوەندی تایبەت pic.twitter.com/wx3rKHle1I
— Rudaw (@Rudawkurdish) August 19, 2023
لە دیدارەکەدا دۆخی ئەمنی و چاكسازییەكانی ناو هێزی پێشمەرگەش گفتوگۆی لەبارەوە كراوە. سەرۆکی یەکێتیی نیشتمانیی کوردستان دەڵێت، "یەكێتی بەهەموو شێوەیەک پشتگیریی یەكخستنەوەی هێزی پێشمەرگە دەكات و دەیەوێت هێزێكی نیشتمانیی تۆكمە بۆ پاراستنی كوردستان بونیادبنرێت، بەڵام بەشێوەیەكی دادپەروەرانە و دوور لە بەرژەوەندی تایبەت."
سەرۆکی یەکێتی گوتیشی، "هاریكاری و كاری هاوبەشی نێوان هێزە ئەمنییەكان فاكتەرێكی گرنگی پاراستنی سەقامگیرییە لە ناوچەكە و ئێمەش لەوپێناوەدا هەوڵدەدەین."
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ