رووداو دیجیتاڵ
لە هەرێمی کوردستان 148 هەزار و 621 کرێکار دەستەبەری کۆمەڵایەتییان بۆ کراوە، کە 125 هەزار و 380 کرێکاریان ناوخۆیی و 23 هەزار و 241 کرێکاریشیان بیانین.
بەگوێرەی ئەو ئامارانەی لەلایەن بەڕێوەبەرایەتیی گشتیی کار و دەستەبەری کۆمەڵایەتیی هەرێمی کوردستان دراوەتە تۆڕی میدیایی رووداو، 125 هەزار و 205 کرێکاری دەستەبەرکراو لە رەگەزی نێر و 23 هەزار و 416 لە رەگەزی مێن.
لە 2021 توانراوە 17 هەزار و 848 کرێکار دەستەبەر بکرێن، کە 15 هەزار و 907یان کرێکاری ناوخۆیی و هەزار و 941یان کرێکاری بیانین.
دەستەبەرکردنی کرێکاران لە 2021 بەمشێوەیە بووە:
پارێزگای هەولێر: 2161 کرێکاری ناوخۆیی و 1288 کرێکاری بیانی
پارێزگای سلێمانی: 5158 کرێکاری ناوخۆیی و 451 کرێکاری بیانی
پارێزگای دهۆک: 8588 کرێکاری ناوخۆیی و 202 کرێکاری بیانی
لە 2022 ئاماری دەستەبەرکردنی کرێکاران زیادیکردووە و توانراوە 27 هەزار و 558 کرێکار دەستەبەر بکرێن، کە 23 هەزار و 739 کرێکاریان نێوخۆیی و 3 هەزار و 819 کرێکاریشیان بیانین.
دەستەبەرکردنی کرێکاران لە 2022:
پارێزگای هەولێر: 4763 کرێکاری ناوخۆیی و 2275 کرێکاری بیانی
پارێزگای سلێمانی: 9779 کرێکاری ناوخۆیی و 1373 کرێکاری بیانی
پارێزگای دهۆک: 9197 کرێکاری ناوخۆیی 171 کرێکاری بیانی
لە 2023 ژمارەی دەستەبەرکردنی کرێکاران بەراورد بە هەردوو ساڵانی 2021 - 2022 زیادیکردووە.
لەو ساڵەدا 33 هەزار و 192 کرێکار دەستەبەر کراون، کە 27 هەزار و 784 ناوخۆیی و 5408 کرێكاریان بیانین.
دەستەبەرکردنی کرێکاران لە 2023دا:
پارێزگای هەولێر: 7105 کرێکاری نیوخۆیی و 3155 کرێکاری بیانی
پارێزگای سلێمانی: 10 هەزار و 158 کرێکاری نێوخۆیی و 2026 کرێکاری بیانی
پارێزگای دهۆک: 9271 کرێکاری نێوخۆیی و 140 کرێکاری بیانی
ئیدارەی سۆران: 1250 کرێکاری نێوخۆیی و 87 کرێکاری بیانی
بەگوێرەی ئاماری بەڕێوەبەرایەتی گشتی کار و دەستەبەری کۆمەڵایەتی، تاوەکو ئێستا 926 کرێکار خانەنشینکراون.
هاوکات لە 2023 بەهۆکاری جیاواز 303 پڕۆژە رەوانەی دادگە کراون بەمشێوەیە:
هەولێر: 225
سلێمانی: 50
دهۆک: 28
بەگوێرەی یاسای خانەنشینی و دەستەبەری کۆمەڵایەتیی ژمارە 39یـی ساڵی 1971 هەر کرێکارێک خاوەنکاری هەبێت دەتوانرێت دەستەبەری کۆمەڵایەتی بکرێت.
17%ی کرێی کرێکارەکە دەخرێتە سندووقی خانەنشینبوون، کە 5%ی لە کرێی کرێکارەکە و 12%ی خاوەن کارەکەی دەیدات.
بەگوێرەی یاساکە هەر کرێکارێکی پیاو 60 ساڵی تەمەنی ئافرەت 55 ساڵی تەمەنی تەواو کرد و 20 ساڵ دەستەبەر کرابوو، دەتوانێت خانەنشین ببێت.
بەبێ رەچاوکردنی تەمەن، هەر کرێکارێکی پیاو 30 ساڵ و ئافرەت 25 ساڵ دەستەبەر کرابێت، دەتوانێت خانەنشین ببێت.
هەر کرێکارێکیش لە کاتی کارکردن گیانی لەدەستدا و دەستەبەر کرابوو، ئەگەر یەک مانگیش دەستەبەر کرابێت، خانەنشینییەکەی بۆ خانەوادەکەی دەمێنێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ