رووداو دیجیتاڵ
بەڕێوەبەری بانکی چەرمۆ دەڵێت، ئەمڕۆ دەست بە دابەشکردنی مووچەی لیوا هاوبەشەکانی پێشمەرگە دەکەن.
رۆژی دووشەممە 03-04-2023 سەیران عەبدولقادر، بەڕێوەبەری بانکی چەرمۆ بە تۆڕی میدیایی رووداوی گوت، ئەمڕۆ مووچەی مانگی ئاداری لیوا هاوبەشەکانی پێشمەرگە دابەشدەکرێت، بۆ دابەشکردنی مووچەی ئەو پێشمەرگانەی کە لە بانکی چەمچەماڵ مووچە وەردەگرن، زیاتر لە دوو ملیار دینار پێویستە.
نزیکەی 44 هەزار پێشمەرگە لە چوارچێوەی 15 لیوای هاوبەشدا لەژێر چەتری وەزارەتی پێشمەرگە رێکخراونەتەوە. هەر لیوایەک لە چوار فەوج کراوەتە سێ فەوج.
ئەمریکا مانگانە 20 بۆ 25 ملیۆن دۆلار بۆ ئەو لیوا هاوبەشانەی پێشمەرگە دەنێرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ