پۆلیسی قوروەی پارێزگای سنە: بکوژی دوو هاووڵاتییەکە دەستگیر کرا

 

عەلیرەزا سەفەری، بەرێوەبەری پۆلیسی شاری قوروە رایگەیاند، دوای کوژرانی دوو هاووڵاتی لەنێو کێلگەیەکی نزیک شارەکە، لێکۆڵینەوەی پۆلیس لەبارەی رووداوەکە و هەوڵدان بۆ دەستگیرکردنی بکوژی ئەو دوو هاووڵاتییە دەستیپێکرد.

 

بە گوتەی سەفەری، دوای کۆکردنەوەی زانیاری، هێزەکانی پۆلیس ناسنامەی تۆمەتبارەکە و شوێنی خۆشاردنەوەیان ئاشکرا کرد و دوای هاوئاهەنگی لەگەڵ دەسەڵاتی دادوەری، لە ئۆپەراسیۆنێکدا دەستگیریان کرد و رادەستی دادگە کرا.

 

بەرێوەبەری پۆلیسی شاری قوروە ئاماژەی بەوەشکرد، تۆمەتبارەکە لە لێکۆڵینەوەکاندا دانی بە کوشتنی هەردوو کەسەکەدا ناوە و رایگەیاندووە، بەهۆی کێشە و ناکۆکی دارایی ئەو دوو کەسەی کوشتووە.

 

سێشەممەی رابردوو 25-7-2023، تەرمی دوو هاووڵاتی خەڵکی شاری قوروە لە کێلگەیەک کوژران و رۆژی دواتر خەلیل فیعلەگەری، قایمقامی شاری قوروە رایگەیاند، لە رووداوەکەدا خاوەنی کێڵگەکەش بریندار بووە و لە نەخۆشخانە چارەسەری پزیشکی وەردەگرێت.