لەمەودوا نابێت مامۆستای زانکۆی حکومی لە زانکۆی تایبەت وانە بڵێتەوە

 

 

لە راگەیێندراوەکەی دیوانی چاودێریی داراییدا هاتووە: "وەزارەتی خوێندنی باڵا و توێژینەوەی زانستی، پاڵپشت بە نووسراوی دیوانی چاودێری دارایی (747) لە( 11-8-2024)  بە گشتاندنی ژمارە (17392) لە (5-9-2024) ئاراستەی گشت زانکۆ حکومییەکانی کردووە، ھەر مامۆستایەکی زانکۆ حکومییەکان لە زانکۆ و پەیمانگە تایبەتییەکان (ئەھلیەکان) دەرس بڵێتەوە لێپێچینەوەی یاسایی لەگەڵ دەکرێت".

 

هەروەها هاتووە: "ھەر زانکۆیەک نووسراوی لارینەبوون بدات و رێگە بدات مامۆستاکانی لە زانکۆ و پەیمانگە تایبەتییەکان(ئەھلیەکان) دەرس بڵێتەوە، لێپێچینەوەی یاسایی لەگەڵ زانکۆکە دەکرێت".

 

دیوانی چاودێری دارایی هەرێمی کوردستان هۆکاری بڕیارەکەی روونکردووەتەوە "لەپێناو رەخساندنی ھەلی کاری زیاتر بۆ دانەمەزراوەکان و لەپێناو بەرژەوەندی گشتی ئەم بریارە جێ بەجێ دەکرێت بە چاودێری دیوانی چاودێری دارایی ھەرێمی کوردستان."

 

لە راگەیێنراوەکەدا ژمارەی مۆبایل و ئیمێڵ دانراوە، بۆ ئەوەی لەکاتی پابەندنەبوون بە بڕیارەکە دیوانی چاودێری دارایی ئاگادار بکرێتەوە "ھەر زانکۆیەکی حکومی یان زانکۆ و پەیمانگایەکی ئەھلی پابەند نەبێت، ئەوا دەتوانن لەرێگەی ئەم ناونیشان و ئیمەیل و ژمارە مۆبایلە دیوانی چاودێری دارایی ھەرێم ئاگادار بکەنەوە و ناوتان پارێزراو دەبێت."

 

ژمارە مۆبایل: 07504612209

ئیمێڵ: moayadi78@yahoo.com