هەڵەیەک روویدا! دووبارە هەوڵبدە
رووداو- هەولێر
بۆ یەکەمجار لە نەخۆشخانەیەکی ئەمریکا تیمێکی پزیشکان بە رۆبۆت نەشتەرگەری چاندنی گورچیلەیان ئەنجامدا.
لە نەخۆشخانەی کلێڤلاندی ئەمریکا بۆیەکەمجار، تیمێکی پزیشکانی نەشتەرگەری بە رۆبۆت نەشتەرگەری چاندنی گورچیلەیان بە سەرکەوتوویی ئەنجامدا.
د. جیهاد کۆک، پزیشکی پسپۆڕی نەشتەرگەری و سەرۆکی بەشی سەنتەری نەشتەرگەری بە رۆبۆت لە نەخۆشخانەی کلێڤلاند کە سەرپەرشتیاری تیمەکە بووە دەڵێت، بەم رێگەیە برینێکی کەمتر پێویستە و نەخۆشەکە دوای نەشتەرگەرییەکە، ئازاری کەمتردەبێت و مەترسیی تووشبوونی بە لێکەوتەکانی نەخۆشییەکەش کەمتردەبێتەوە.
پزیشکە پسپۆڕەکەی نەشتەرگەری روونیدەکاتەوە، ئەنجامدانی نەشتەرگەری بە رۆبۆت بەتایبەت لەو حاڵەتانەدا بەسوودە کە بۆ نموونە نەخۆشەکە قەڵەو بێت.
د. جیهاد کۆک دەشڵێت، ئەنجامدانی نەشتەرگەری چاندنی گورچیلە بە رۆبۆت رێگەیەکی سەرکەوتوو و خێرایە بۆ رزگارکردنی ئەوانەی بەدەست سستبوونی گورچیلەوە دەناڵێنن و پێویستە هەفتانە بەردەوام شۆردنی گورچیلەیان بۆ بکرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ