رووداو - تەندروستی
توێژینەوەیەکی زانکۆی نیو مەکسیکۆ لە ئەمریکا دەریدەخات، سنووردارکردنی کاتژمێرەکانی خواردن زیندەچالاکی بەرزدەکاتەوە و هانی كێشدابەزاندن دەدات، هەروەها ئەگەری تووشبوون بە چەندین نەخۆشیی درێژخایێن کەمدەکاتەوە.
توێژینەوەکە ئاماژە بەوەدەکات، ئەم جۆرە رێژیمە یارمەتیدەر دەبێت لە کۆنتڕۆڵکردنی گلوکۆزی خوێن لەو کەسانەی کە کێشیان زیادە و ئەگەری تووشبوونیان بە نەخۆشیی شەکرەی جۆری دووەم کەمدەکاتەوە.
لەم توێژینەوەدا هاتووە، باوترین شێوازی سنووردارکردنی کاتی خواردن بریتییە لە خواردن تەنیا لە ماوەی 8 بۆ 12 کاتژمێر لە رۆژێکدا و نەخواردنی هیچ بڕێکی دیکەی خۆراک لە دەرەوەی ئەو کاتە، رێژیمەکە ئەم سوودانەی دەبێت؛
- دابەزاندنی کێش
- باشترکردنی ئاستی کۆلیسترۆڵ و چەورییەکانی خوێن
- باشترکردنی کارکردنی هزری
- باشترکردنی کوالێتی خەو
- کاریگەری درەنگ پیربوون و دژە شێرپەنجە
بەپێی گوتەی دکتۆر جاگدیش خوبچاندانی، سەرپەرشتیاری توێژینەوەکە، سەرەڕای سوودەکانی ئەم رێژیمە بەڵام گەورەساڵان، خانمانی دووگیان و شیردەر، هەروەها ئەوانەی دەرمان بۆ نەخۆشییە درێژخایێنەکان بەکاردەهێنن نابێت بەبێ راوێژی پزیشکی پسپۆڕ دەست بەم رێژیمە بکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ