هونەرمەندی دیاری کورد جەمیل ئەحمەدی کۆچی دوایی کرد

05-03-2024
سینا سۆما
A+ A-
 
رووداو دیجیتاڵ 

هونەرمەندی ناسراوی کورد و ناوچەی هەورامان، جەمیل ئەحمەدی کۆچی دوایی کرد و بڕیارە ئەمڕۆ تەرمی لە گۆڕستانی شارۆچکەی نەوسوودی کرماشان لە رۆژهەڵاتی کوردستان بەخاک بسپێردرێت.
 
هونەرمەند جەمیل ئەحمەدی، شەوی دووشەممە، 4ی ئاداری 2024 بەهۆی نەخۆشییەوە لە شارۆچکەی نەوسوودی سەر بە شاری پاوەی کرماشان کۆچی دوایی کرد. 
 
تەرمی جەمیل ئەحمەدی دوێنی شەو لە نەوسوودەوە بۆ دادپزیشکیی شاری پاوە گوێزرایەوە و بڕیارە ئەمڕۆ ببرێتە مزگەوتی مەلا مەقسوود لە شارۆچکەی نەوسوود و دوای نوێژی مردوو لە سەر تەرمەکەی، لە گۆڕستانی ئەو شارۆچکەیە بەخاک بسپێردرێت.
 
هونەرمەند جەمیل ئەحمەدی یەکێک لەو هونەرمەندە دیارانەی کورد و ناوچەی هەورامان بوو کە گۆرانیی سیاچەمانەی هەورامی دەگوتەوە و دەیان بەرهەمی بە شێوەزاری هەورامی هەیە.
 
ئەو هونەرمەندە چەندین گورانیی هاوبەشی لەگەڵ عوسمان هەورامی و محەمەدحوسێن کێمنەیی هەیە.
 
لە ساڵی 2017 لەلایەن ئەنجوومەنی میوزیکی کرماشان و فێرگەی دەنگی پاوەوە و بە ئامادەبوونی ژمارەیەک هونەرمەندی رۆژهەڵاتی کوردستان، لە رێوڕەسمێکدا رێز لە هونەرمەند جەمیل هەورامی گیرا.
 
هەروەها لە ساڵی 2023دا، لە رێوڕەسمێکدا کە لە لایەن گرووپی سپاس پاوەوە رێکخرابوو، رێز لە کار و چالاکییەکانی ئەو هونەرمەندە گیرابوو.
 
 

 

 

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

Artboard 1

بە وێنە؛ ئەستێرە بەنێوبانگەکانی جیهان لەسەر فەرشی سووری فێستیڤاڵی فیلمی ڤێنس

رۆژی 28ـی ئابی 2024 بە پێشاندانی فیلمی "Beetlejuice Beetlejuice" لە دەرەوەی پێشبڕکێی فێستیڤاڵ، 81ـەمین فێستیڤاڵی نێودەوڵەتیی فیلمی ڤێنس لە ئیتاڵیا دەستیپێکرد و بڕیارە لە ماوەی 10 رۆژی چالاکییەکانیدا، ئەستێرەی دیاری سینەمای هۆلیوود و جیهان تێیدا ئامادە بن.