Hewlêr (Rûdaw) - Çekdarê ku li bajarekî Holendayê çend kes dîl girtibûn, hat desteserkirin û dîl jî hatin berdan.
Polîsê bajarê Eideyê Holendayê li ser tora civakî ragihand, “Dîlê dawî hat berdan û kesek hat desteserkirin. Em nikarin zanyariyên zêdetir bidin.”
Li bajarokê Eideyê yê parêzgeha Geldersê danê sibehê çekdarekî çend kes dîl girtin.
Rayedar û polîsan got, “Ti sedem nînin ku bûyer wekî terorîstî were binavkirin.”
Şahidan jî got, “Kesekî çekdar ket hundirê barê û dest bi gefxwarinê kir, 4 kes jî dîl girtin.”
Polîs piştî ku çûn cihê bûyerê 150 kes ji cihê bûyerê dûrxistin.
Piştî saetan 3 dîlan destên xwe bilind kirin û ji avahiyê derketin.
Paşê dîlê çaremîn hat berdan û çekdar hat girtin.
Çend wêne li ser torên civakî hatine belavkirin ku tê de zilamek li ser çokan e û polîs jî wî desteser dikin.
Parêzgarê Eideyê Rene Verhulst jî da zanîn, “Ev ji bo her kesî rewşeke pir xerab e. Ez hêvî dikim ku bi silametî bi dawî hatibe.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse