Hewlêr (Rûdaw) - Balafireke leşkerî ya Amerîkayê li nêzikî Girava Yakuşîmayê ya Japonyayê ket okyanûsê.
Hêzên Peravê yên Janpoyayê ragihandin ku balafireke tîpa V-22 Ospreyê ya leşkerî ya Amerîkayê ku 8 kes tê de bûn li nêzikî Girava Yakuşîmayê ya Japonyayê ket okyanûsê.
Li gorî ajansa MBCyê ya Japonyayê bûyer li gorî saeta herêmî 14:47an de çêbûye û dema balafir ketiye okyanûsê agir bi motora wê ya çepê ketiye.
Berdevkekî Hêzên Peravê yên Janpoyayê got ku derbarê ketina balafirê û kesên tê de ti hûrgiliyên din nînin.
Li aliyê din berdevkekî hêzên Amerîkayê yên li herêmê got ku ew hîn derbarê bûyerê de agahiyan kom dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse