Hewlêr (Rûdaw) - Wezîra Karên Navxwe ya Almanyayê ragihand ku ew di sînordarkirina gihîştina koçberan a Almanyayê de bi ser ketine.
Wezîra Karên Navxwe ya Almanyayê amaje pê dike ku kêmbûna daxwazên mafê penaberiyê û zêdebûna dersînorkirinê nîşana vê serkeftin û bipêşveçûnê ne.
Wezîra Karên Navxwe ya Almanyayê Nancy Faeserê li ser hewlên Almanyayê yên ji bo astengkirina koçberan ragihand:
“Hejmar bi xwe diaxivin.
Di du mehên ewil ên îsal de li gorî heman dema par ji sedî 43yê daxwazên mafê mayînê kêmtir bûne û dersînorkirin jî zêde bûye.”
Nancy Faeserê amaje kir ku di du mehên ewil ên îsal de 229 hezar û 751 kesan daxwaza mafê penaberiyê kiriye ku ji sedî 43 li gorî par û ji sedî 51 li gorî pêrar kêmtir e.
Faeserê her wiha da zanîn ku ji sala 2021ê ve dersînorkirina koçber û penaxwazan zêde bûye ku par gihîşte ser 20 hezar kesan.
Pirsgirêka koçberan wekî yek ji pirsgirêkên herî mezin ên navxwe yên Almanyayê tê hesibandin.
Bandora vê mijarê li ser zêdebûna dengên Partiya Alternative a Almanyayê (AfD) ku rastgirê hebûye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse