Hewlêr (Rûdaw) – Wezîra Karên Navxwe ya Almanyayê Nancy Faeserê ragihand ku divê derbarê koçberan de hevkariya bi Tirkiyeyê re bê zêdekirin.
Li gorî amarên Daireya Koç û Penaberan a Almanyayê (BAMF), 8 mehên destpêkê yên îsal hejmara koçberên ku çûne Almanyayê ji sedî 77 zêde bûye û gihiştiye 204 hezaran.
Herî zêde welatiyên Sûriye, Efxanistan û Tirkiyeyê wekî koçber diçin Almanyayê.
Mixalefeta Almanyayê ji bo rê li ber koçberên qeçax bê girtin, ji hikûmetê dixwaza tedbîran tundtir dike.
Almanya dê li ser sînorên Polonya, Swîsre û Çekyayê xalên kontrolê dayne.
"Bi temamî nayê astengkirin"
Wezîra Karên Navxwe ya Almanyayê Nancy Faeser ji medyaya welatê xwe re axivî û got:
"Herçiqasî li ser sînoran xalên kontrolê bên danîn jî, hatina koçberan bi temamî nayê astengkirin."
Nancy Faeser tekez kir ku divê bi Tirkiyeyê hevkariyeke nêzîk hebe û got:
"Pêwîst e rêkeftina koçê ya bi Tirkiyeyê bê nûkirin. Rêkeftina penaberan a di navbera Yekîtiya Ewropayê û Tirkiyeyê de bi başî bi rê ve naçe."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse