Hewlêr (Rûdaw) - Îsal ji Tirkiye û Bakurê Kurdistanê 14 hezar kesan li Almanyayê daxwaza penaberiyê kiriye.
Daîreya Koç û Koçberan a Almanayê amarên meha Gulanê yên derbarê koçberan de belav kirin.
Li gorî wan amaran tenê di Gulana îsal de 17 hezar û 231 kesên ji welatên cûda li Almanyayê daxwaza mafê penaberiyê kirine.
Di 5 mehên destpêka îsal de jî ew hejmar 103 hezar û 467 kes in.
Li gorî amaran serlêdanên penaberiyê yên li Almanyayê di 5 mehên destpêka îsal de li gorî heman serdama sala borî ji sedî 17,6 kêm bûne.
Li Almanyayê di serlêdana penaberiyê de welatiyên Tirkiye û Bakurê Kurdistanê, piştî welatiyên Sûriye û Efxansitanê di rêza sêyem de cih digirin.
Di 5 mehên îsal de ji Tirkiye û Bakurê Kurdistanê bi giştî 14 hezar û 751 kesî li Almanyayê daxwaza mafê penaberiyê kiriye.
Herwiha 13 hezar û 741 kes serlêdana wan a yekem û yên mayî jî serlêdanên duyem in ku hatine redkirin.
Ew hejmar tenê di meha Gulanê de hezar û 875 kes in.
Di Adara îsal de jî hezar û 885 kes û di Nîsanê de jî hezar û 965 welatiyên Tirkiyeyê li Almanyayê daxwaza mafê penaberiyê kiribû.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse