Hewlêr (Rûdaw) – Papa Francis êrişa Îranê ya li Hewlêrê şermezar kir.
Papayê Vatîkanê Papa Francis di peyama xwe de heftane de êrişa Îranê şermezar kir û ji xizmên kesên ku canê xwe ji dest daye re sersaxî xwest:
Papa Francis di peyama xwe de bal kişand ser pêwendiyên cîrantiyê û got:
“Pêwendiyên baş ên cîrantiyê ne bi çalakiyê wiha, bi diyalog û hevahengiyê ava dibin.
Ez dixwazim hemû alî xwe ji wan çalakiyan dûr bixin ku dibin sedema avabûna alozî û nakokiyan.”
Karsazê #Kurd Pêşrew Dizeyî û keça wî ya yek salî Jîne ku duh di êrişa bi mûşekan a #Îran`ê de hatin kuştin îro spartin axê
— RudawKurdi (@RudawKurdi) January 16, 2024
Gora Pêşrew Dizeyî û keça wî bi Alaya #Kurdistan`ê hatin nixumandin
Wêne: Cîgir Omer / Rûdaw pic.twitter.com/Mvvy5pcdO3
Çi bûbû?
Supaya Pasdaran a Îranê, şeva 15ê Kanûna Paşîn êrişî Hewlêra paytexta Herêma Kurdistanê kir.
Di vê êrişa Îranê de 4 sivîlan canê xwe ji dest da û 16 kes jî birîndar bûn.
Îranê derdora demjimêr 23:30î bi 11 mûşekan êrişî Hewlêrê kir û pênc ji wan li mala sermayedarê Hewlêrê Pêşrew Dizeyî ketin.
Pêşrew Dizeyî, keça wî Jîne, mêvanê wî û xizmetkareke mala wî cane xwe ji dest da.
Li mala Dizeyî amadehî dihatin kirin ku piştî 10 rojan rojbûna ewil a Jîneyê were pîrozkirin lê wê ji ber êrişên Îranê saleke tenemê xwe jî temam nekir.
Hevjîna Dizeyî û du kurên wî jî di heman êrişê de li mala xwe birîndar bûn. Rewşa tenduristiyê ya kurekî wî xerab e û niha li Îmarata Erebiyê tê tedawîkirin.
Li aliyên din, Dijeterora Kurdistanê jî heman rojê ragihand, 3 dronên bombebarkirî yên ku armanca wan Balafirgeha Navneteweyî ya Hewlêrê bû, xatine xistin.
Berpirsê Operasyonên Taybet ê Ajansa Parastin û Îstixbaratê Ebdula Hemereşîd ji Tora Medyayî ya Rûdawê re da zanîn ku wan bi rêya sîstema parastina esmanî du mûşekên Îranê xistine xwarê.
Sibeha 16ê Kanûna Paşîn demjimêr 05:50î jî dîsa li nêzîkî Balafirgeha Hewlêrê dronek ketibû xwarê û teqiyabû.
Nûçegihanê Rûdawê Sîdar Leşkirî da zanîn ku ew dron a grûpa bi nave Berxwedana Îslamî ya Îraqê bûye.
Ev êrişên Îranê hem li nav Kurdan hem jî li qada navneteweyî bûn sedema gelek bertekan.
Welatên wekî Amerîka, Çîn, Fransa, Almanya, Tirkiye û Fînlendayê ev êriş şermezar kirin.
Dîsa gelek partî, sazî û rêxistinan Kurdan jî bertekên tund nîşanî van êrişên Îranê dan û wan Îran şermezar kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse