Hewlêr (Rûdaw) - Komeleya Perestarên Tirk ragihand, li Tirkiye û Bakurê Kurdistanê ji sedî 70yê perestaran dixwazin biçin welatekî din bixebitin
Komeleya Perestarên Tirk, encamên rapora ku bi beşdariya 8 hezar perestaran amade kiribû eşkere kirin.
Li gorî raporê, perestar ji rewşa kar, mûçe û cudakariya ku li hemberî wan tê kirin ne razî ne.
Herwiha raporê da zanîn, hejmara perestarên biezmûn ên ku dixwazin biçin derveyî Tirkiyeyê zêde bûye.
Perestar xwe bêqîmet dibînin û rûbirûyî pirsgirêka cihêmanê dibin.
“Dema em derfetekê peyda bikin em dê biçin”
Seroka Komeleya Perestarên Tirk Dr. Azize Atli Ozbaşê got:
“Ji sedî 70yê perestaran dibêjin ‘Dema em derfetekê peyda bikin em dê biçin derveyî welat.’
Dixwazin biçin welatên ku rewşa debarê li wan deran baş e û ewle ne.
Herî zêde Amerîka, Kanada û Brîtanyayê hildibijêrin lê ji 90ê wan dibêjin eger şertên kar bên başkirin dê li vê derê bimînin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse