Ozgur Ozel dîsa bû serokê CHPyê

Hewlêr (Rûdaw) - Partiya Gel a Komarî (CHP) îro 21emîn Kongreya Giştî ya Awarte saz kir û Ozgur Ozel dîsa wekî Serokê CHPyê hat hilbijartin. Ozel bi hezar û 171 dengan hat hilbijartin.

Beriya demekê egera betalkirina kongreya berê ya CHPyê û metirsiya danîna qeyûm ketibû rojevê.

Li ser vê yekê biryar hatibû dayîn ku CHP 6ê Nîsanê kongreya awarte saz bike û Serokê nû yê partiyê hilbijêre.

Kongreya awarte ya CHPyê îro demjimêr 10:00 li Navenda Çandê ya Nazim Hikmet a li Enqereyê dest pê kir.

Serokê Şaredariya Navçeya Muratpaşayê ya Antalyayê Umit Uysal berî destpêkirina kongreyê ji namzediyê vekişiya û Parlamenterê bêrê yê CHPyê Berhan Şimşek jî ji ber ku ji bo serlêdanê dereng ma nikaribû bibe namzed.

Di kongreyê de hezar û 276 delegeyan deng bi kar anî û hezar û 171 kesan dengê xwe da Ozgur Ozel. 105 deng jî hatin betalkirin.

CHPyê li Enqereyê Kongreya Awarte ya 21ê li dar xist

🔴 Ozgur Ozel dîsa wekî Serokê CHPyê hat hilbijartin pic.twitter.com/4LxTtD7Yki

— RudawKurdi (@RudawKurdi) April 6, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger