Hewlêr (Rûdaw) - Di çarçoveya lêpirsîna şewata Grand Kartal Hotelê ya Boluyê de 6 kesên din jî hatin girtin.
Li Navenda Kaşûnê ya Kartalkayayê ya li lûtkeya Çiyayê Korogluyê yê Boluyê roja Sêşemê 21ê Kanûna Paşîn a 2025an agir bi Grand Kartal Hotelê ket û di encamê de 78 kes mirin û 51 kes jî birîndar bûn.
Serdozgeriya Komarê ya Boluyê 21ê Kanûna Paşîn derbarê bûyerê de lêpirsîn dabû destpêkirin û ew lêpirsîn berdewam dike.
Di çarçoveya lêpirsînê de şeva borî 11 kesên din ên desteserkirî piştî karûbarên îfadeyê şandin dadgehê.
Dadgehê biyara girtina 6 kesan da û 5 kes jî bi mercê kontrola dadî hatin berdan.
Berî niha di lêpirsîna agirê Grand Kartal Hotelê ya Boluyê de xwediyê otelê Halît Ergul, birêvebirê kompanyayê Emîr Aras, rêvebirê otelê û çend karmendên wê jî di nav de 11 kes hatibûn desteserkirin û 9 ji wan hatibûn girtin.
Di çarçoveya heman lêpirsînê de 11 kesên din ên ku li oteleke din a Halît Ergûl dixebitîn hatibûn desteserkirin.
Bi vî awayî hejmara kesên ku heta niha hatine girtin gihîşt 15 kesan.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse