Hewlêr (Rûdaw) - Serokwekîla Koma DEM Partiyê ya Parlamentoyê Gulistan Kiliç Koçyîgîtê li ser hevdîtinên bi Ocalan re got, "Şandeya me di çend rojên pêş de diçe Îmraliyê."
Gulistan Kiliç Koçyîgîtê li Parlamentoya Tirkiyeyê civîneke çapemeniyê li dar xist û derbarê rojevê axivî.
Wezareta Karên Navxwe ya Tirkiyeyê roja 24ê Sibatê derengê şevê ragihand ku Şaredarê Qaxizmanê Mehmet Alkan ji kar hatiye dûrxistin û Qeymeqamê Qaxizmanê Okan Daştan wekî qeyûm li şûna wî hatiye danîn.
"AK Partî dixwaze bi siyaseta qeyûman li ser pêyan bimîne"
Koçyîgîtê nerazîbûn nîşanî danîna qeyûm da û got "AK Partî dixwaze bi siyaseta qeyûman li ser pêyan bimîne.
Gulistanê li ser ser hevdîtinên bi Rêberê PKKyê Abdullah Ocalan re jî da zanîn ku ew Şandeya DEM Partiyê dê îro yan sibe ji bo hevdîtinê serî li Wezareta Dadê ya Tirkiyeyê bide û dê di nava di çend rojên pêşiya me de bi Ocalan re hevdîtinê bike.
"Dê dema banga dîrokî jî bê zelalkirin"
Serokwekîla Koma DEM Partiyê diyar kir ku dê Şandeya DEM Partiyê zanyariyên hevdîtinên li Başûrê Kurdistanê bigihîne Abdullah Ocalan û got:
"Piştî vê hevdîtina bi birêz Ocalan re dê dema banga dîrokî jî bê zelalkirin."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse