Li Muglayê helîkopter ket: Mirî hene

Hewlêr (Rûdaw) – Li Muglayê helîkoptereke Wezareta Tenduristiyê ya Tirkiyeyê li nexweşxaneyekê ket û ket erdê.

Bûyerê li navçeya Menteşeyê ya parêzgeha Muglayê ya Tirkiyeyê rû da.

Li gorî agahiyan, helîkoptereke ambulans li avahiya Nexweşxaneya Perwerde û Lêkolînê ya Sitki Koçmanê ket û ket hewşê.

Gelek tîmên agirvemirandinê û tîmên tenduristiyê çûn cihê bûyerê.

4 kes mirin

Li gorî agahiyên destpêkê 2 pîlot, bijîşkek û karmendekî tenduristiyê mirine.

Xebatên tîman ên li cihê bûyerê berdewam dikin.

Li Muglayê helîkopter ket

🛑 2 pîlot, bijîşkek û karmendekî tenduristiyê mirin pic.twitter.com/iexMlSG6Fb

— RudawKurdi (@RudawKurdi) December 22, 2024

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger