Hewlêr (Rûdaw) - Li navçeya Yuregîrê ya bajarê Edeneyê kelûpelên vîncê bi ser karkeran de ketin û 2 karker mirin.
Bûyer îro li taxa Atakentê ya navçeya Yuregîrê ya Edeneyê çêbû.
Li gorî zanyariyan, di avahiyeke ku di proseya çêkirinê de bû benê selika hesin a ku kelûpelên avahîsaziyê tê de bûn qetiya û kelûpelên tê de bi ser 2 karkerên avahîsaziyê de ketin.
2 karkerên bi navên Tahîr Çerî û Erdal Sagir di encama bûyerê de mirin.
Li ser agahdarkirinê tîmên tenduristiyê çûn cihê bûyerê û termê her du karkeran birin Saziya Bijîşkiya Dadî ya Edeneyê.
Xizmên her du karkeran jî çûn cihê bûyerê û di navbera wan û berpirsên avahîsaziyê de alozî derket.
Her wiha hêzên ewlehiyê li ser bûyerê dest bi lêkolînê kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse