Hewlêr (Rûdaw) – Serokê Şaredariya Bajarê Mezin ê Enqereyê Mansur Yavaş dê beşdarî pêşhilbijartina CHPyê ya ji bo diyarkirina namzedê serokkomariyê nebe.
Partiya Gel a Komarî (CHP) biryar dabû ku namzedê xwe yê serokkomariyê bi rêya pêşhilbijartinê diyar dike.
Serokê Giştî yê CHPyê Ozgur Ozel, Serokê Şaredariya Bajarê Mezin ê Stenbolê Ekrem Îmamoglu û Serokê Şaredariya Bajarê Mezin ê Enqereyê Mansur Yavaş di nav partiya xwe de (CHP) wekî namzedên herî bihêz tên nîşandan.
Ozgur Ozel, Ekrem Îmamoglu û Mansur Yavaş doh li hev civiyabûn.
Ozel wêneyê vê civînê parve kiribû û gotibû, “Em bi hev re ne. Em de bi hev re bi ser bikevin.”
Li gorî nûçeya Soczuyê, piştî vê civînê “biryareke nû ya surprîz” derketiye holê.
Rojnameya Sozcuyê got, “Yavaş di civîna sêalî de ji Ozgur Ozel re ragihand ku ew dê beşdarî pêşhilbijartinê nebe.”
Nûçegihana Sozcuyê Bala Ateş Irmakê diyar kir, "Mansur Yavaş berê jî helwesta xwe ya li ser pêşhilbijartinê eşkere kiribû.
Di civîna doh de jî heman tişt anî zimên û got ku ew dê beşdarî pêşhilbijartinê nebe."
Eger Yavaş beşdarî pêşhilbijartinê nabe, anku li wir nebe namzed ev tê wateya ku ew nafikire ji bo serokkomariyê bibe namzed.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse