Hewlêr (Rûdaw) - TUIKê ragihand ku sala borî li gorî sala 2022yan hejmara dewaran bi rêjeya ji sedî 2.6 kêm bûye û daketiye 16 milyon û 583 hezar.
Herwiha hejmara pez jî bi rêjeya ji sedî 6.9 kêm bûye û daketiye 52 milyon û 363 hezar pez.
Saziya Amaran a Tirkiyeyê (TUIK) amarên sala 2023yan ên rêjeya ajeldariyê eşkere kirin.
Li gorî amarên TUIKê li Tirkiye û Bakurê Kurdistanê sala 2023yan li gorî sala 2022yan hejmara dewaran bi rêjeya 2.6 û hejmara pez jî bi rêjeya ji sedî 6.9 kêm bûye.
Di vê demê de hejmara gamêşan jî ji sedî 2.6 kêm bûye û daketiye 16 milyon û 421 hezarî, hejmara gayan jî ji sedî 5.9 kêm bûye û daketiya 161 hezar û 749.
Hejmara pez jî sala 2023yan wekî 52 milyon û 363 hezar hatiye tomarkirin.
Rêjeya mîhan jî ji sedî 5.9 daketiye û bûye 42 milyon û 60 hezar mîh, hejmara bizinan jî ji sedî 11 kêm bûye û daketiye 10 milyon 303 hezar.
TUIKê ragihand ku di heman salê de berhemanîna hingiv jî bi rêjeya 2.9 kêm bûye û daketiye 114 hezar û 886 ton hingiv.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse