Hewlêr (Rûdaw) - Li parêzgeha Stenbolê, Serokê Şaredariya Beykozê Alaattin Koseler û 12 kes bi tohmeta ku wan “sextekarî di îhaleyan de kiriye” bi biryara dadgehê hatin girtin.
Serdozgeriya Komarê ya Beykozê di çarçoveya lêpirsînê de biryara desteserkirina 22 kesan dabû û di wê çarçoveyê de 27ê Sibata 2025ê operasyonek hatibû kirin.
Di encama operasyonê de Serokê Şaredariya Beykozê Alaattin Koseler jî di nav de ew hemû kes hatibûn desteserkirin.
Dadgehê îro piştî kar û barên yasayî, bi heman tohmeta lêpirsînê derbarê 13 kesan biryara girtinê da.
9 kes jî bi şertê kontrola edlî hatin berdan.
Divê were gotin ku Şaredariya Beykozê di destê CHPyê de ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse