Hewlêr (Rûdaw) - Li gor rapirsiya Lêkolîna Ekonomî ya Stenbolê, tenê AKP, CHP, ÎYÎ Partî û HDP benda %7 a hilbijartinê derbas dikin û MHPê di bin bendê de dimîne.
Kompanya Lêkolînê ya Ekonomî ya Stenbolê, encamên rapirsiya ku di navbera 16-20 Sibatê de ligel 2 hezar kesan kiribû, eşkere kirin. Di rapirsiyê de pirsên derbarê erdhejê de jî hatin pirsîn.
Li gor encaman rêjeya dengên partiyan wiha ne:
AKP: %33,7
CHP: 25,8
ÎYÎ Partî: %13,9
HDP: %11,2
MHP: %6,8
Di rapirsiyê de ji beşdarvanan pirsa “Nêrîna we derbarê erdhejê de çiye?” hat pirsîn. %82ê beşdarvanan gotine “eger saziyan tiştên pêwîst bikirana dê zerar kêmtir bûya.” %18an jî gotine “erdhej karesata sedsalê ye û dê ti sûda tedbîran nebûya.”
Ji sedî 34ê beşdarvanan gotine “sedema werankariya mezin mutehît in”, %28an gotine “sedema werankariya mezin hikûmet e” û 18an jî gotine “sedema werankariya mezin şaredarî ne.” Herwiha %45ê beşdarvanan gotine hikûmet di rêvebirina erdhejê de “ne serkeftî” bûye û %38an jî gotine hikûmet “serkeftî” bûye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse