Hewlêr (Rûdaw) - Li Senatorê Komarparêz Lindsey Graham got, “Bila Îsraîl bi alîkariya Amerîkayê li binesaziya nukleerî ya Îranê bixe.”
Senatorê Amerîkayê Lindsey Graham bi heyeteke senatoran re Îsraîl ziyaret kir ku ji Komarparêz û Demokratan pêk tê.
Lindsey Graham di civîna çapemeniyê de ragihand ku ji bo mijara Îranê du vebijêrk hene.
Graham diyar kir, birêvebiriya Serokê Amerîkayê Donald Trump di mijara bernameya nukleerî ya Îranê de mecbûr e ku demeke nêzîk biryarê bide ku dê çi were kirin.
Senatorê Komarparêz destnîşan kir ku du rê hene û wiha berdewam kir:
"Rêya yekemîn a leşkerî ew e ku Îsraîl bi alîkariya me derbeyekê li binesaziya nukleerî ya Îranê bixe. Ez vê rêyê tercîh dikim.”
Graham got ku rêya duyemîn jî ew e ku bi Îranê re dan û standin werin kirin da ku dest ji daxwaza xwe ya nukleerî berde lê j bo vê rêyê dem lazim e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse