Serokê CHPyê li Amedê beşdarî şînekê bû

Hewlêr (Rûdaw) - Serokê CHPyê Ozgur Ozel çû parêzgeha Amedê ya Bakurê Kurdistanê kir û beşdarî şînekê (taziye) bû.

Serokê CHPyê Ozgur Ozel roja Yekşemê 29ê Kanûna 2024ê piştî parêzgeha Meletiyê serdana Amedê jî kir.

Ozgur Ozel li Meletiyê beşdarî şîna bavê Parlamenterê CHPyê yê Meletiyê Veli Agbaba bû û piştre derbasî bajarê Amedê bû.

Ozel li Amedê jî beşdarî şîna dayika Serokê Odeya Bazirganî û Pîşesaziyê ya Amedê Mehmet Kaya bû.

Dayika Mehmet Kaya, Hayriya Kayayê berî 3 rojan canê xwe ji dest dabû û şîna wê li Amedê hatibû danîn.

Alîkarê Serokê CHPyê Burhanettîn Bulut, Parlamenterê CHPyê yê Amedê Sezgîn Tanrikulu û Parlamenterê Enqerê Umut Akdogan li gel Ozgur Ozel beşdarî şînê bûn.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger