Hewlêer (Rûdaw) - Odeya Bijîşkan a Amedê ragihand ku li hemû nexweşxaneyên dewletê ji bo nexweşên penceşêrê tenê cîhazek kar dike û ev yek dibe sedema mirina nexweşan.
Odeya Bijîşkan a Amedê îro derbarê mijarê li ser hesabê xwe yê medyaya civakî daxuyaniyek belav kir.
Di daxuyaniyê de Odeya Bijîşkan ji bo çareserkirina pisporên radyasyonê û cîhazê radyoterapiyê bangî rayedaran kir.
“Newekhevî xwe di dermankirina penceşêrê de jî nîşan dide”
Odeya Bijîşkan di daxuyaniya xwe de got: “Newekheviya li qada tenduristiyê xwe di dermankirina penceşêrê de jî nîşan dide.
Li bajarê me ji ber kêmbûna pisporên radyasyonê û cîhazê radyoterapiyê nexweşên pençeşêrê nayên dermankirin û canê xwe ji dest didin.”
Odeyê li ser hesabê xwe derbarê newekheviya qada tenduristiyê ya li bajarên Bakurê Kurdistanê de amar belav kirine û daxwaz dike ku rayedar bikevin tevgerê.
Li gorî belgeyên hatine belavkirin, ligel ku nifûsa parêzgehên Edene û Amedê nêzîkî hevûdu ye ji aliyê pispor, cîhaz û navendên dermankirinê ve gelekî ferq heye.
Di belgeyê de hatiye diyarkirin ku li parêzgeha Edenê 5 navend, 16 pizîşkên pispor û 9 cîhaz hene lê li parêzgeha Amedê ya tenê 3 navend, 4 pizîşkên pispor û 3 cîhaz hene.
Sağlık alanındaki eşitsizlik kanser tedavisinde de kendini gösteriyor.
— Diyarbakır Tabip Odası (@diyartabip) May 27, 2024
Kentimizdeki Radyoterapi Cihazı ve radyasyon onkolojisi uzman sayısının azlığı tedaviye ulaşamayan kanser hastalarının yaşamlarına mal oluyor. pic.twitter.com/OBv6GUviOS
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse