Hewlêr (Rûdaw) - Li navçeya Avkevirê ya parêzgeha Agiriyê ya Bakurê Kurdistanê, şeva borî makîneyeke kar a ku rêyên girtî vedikirin ji kendalekî ket û di encamê de 3 kes mirin û kesek jî winda bû.
Li gundê Dûzmeydana Jorê yê Avkevirê, gundiyên ku pezê wan winda bû, ji saziyên pêwendîdar alîkarî xwest.
Li ser daxwaza alîkariyê tîmên AFADê û makîneyên kar ên Rêveberiya Îdareya Taybet a Agiriyê ji gundiyan re hatin şandin.
Tîmên ku çûn alîkariyê ji ber berf û pûkê negihîştin gund.
Makîneya kar a ku dixwest rêya wan veke ji kendal ket û di encamê de şofêr N.Ş. jî di nav de 3 kes birîndar bûn.
Li ser agahdarkirinê tîmên tenduristiyê, tîmên rizgarkirinê yên UMKEyê û hêzên ewlehiyê çûn cihê bûyerê.
Şofêr N.Ş. yê ji aliyê tîmên rizgarkirinê bi birîndarî ji kendal hat derxistin û tîmên tenduristiyê ew veguhast Nexweşxaneya Perwerde û Lêkolînê ya Agiriyê.
N.Ş. û 2 kesên tevî hemû hewldanan jî canê xwe ji dest da.
Tîmên rizgarkirinê ji bo lêgerîna kesekî winda xebatên xwe berdewam dikin.
Li Agiriyê makîneya kar ji kendal ket
— RudawKurdi (@RudawKurdi) December 25, 2023
Operator jî di nav de 3 kesan canê xwe ji dest da, kesek winda ye pic.twitter.com/Gkwo3yMSFc
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse