Serok Barzanî bi ENKSyê re civiya û tekezî li ser yekrêziyê kir

Hewlêr (Rûdaw) - Serok Mesûd Barzanî bi şandeyeke Encûmena Niştimanî ya Kurd a Sûriyeyê (ENKS) re civiya û tekezî li ser yekrêziyê aliyên Kurdên Rojavayê Kurdistanê kir.

Ofîsa Barzanî li ser civînê daxuyaniyeke nivîskî belav kir.

Li gorî daxuyaniyê, Serok Barzanî îro şandeyeke Desteya Serokatiyê ya ENKSyê qebûl kir ku ji Mihemed Îsmaîl, Fesla Yûsif, Silêman Oso, Feysel Yûsif û Nimet Dawûd pêk tê.

Ofîsa Barzanî di daxuyaniya de diyar kir ku rewşa siyasî û ewlehiyê û pêşhateyên dawî yên li Sûriye û Rojavayê Kurdistanê û helwesta Kurdan hatine gotûbêjkirin.

Ji bilî van mijaran, behsa hevdîtina Fermandarê Giştî yê Hêzên Sûriyeya Demokratîk (HSD) Mezlûm Ebdî û Serok Barzanî jî hat kirin.

Hat gotin ku Serok Barzanî di hevdîtinê de tekezî li ser yekrêzî û hevahengî û karê hevbeş ê aliyên Kurdên Rojavayê Kurdistanê kir.

 

Serok Mesûd #Barzanî bi #ENKS'yê re civiya

📌 Şandeyeke Desteya Serokatiyê ya ENKSyê ji Mihemed Îsmaîl, Fesla Yûsif, Silêman Oso, Feysel Yûsif û Nimet Dawûd pêk tê pic.twitter.com/oLocyJKfmS

— RudawKurdi (@RudawKurdi) January 21, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger