Hewlêr (Rûdaw) – Lijeneya duyemîn rûniştina Doza Kobaniyê, biryar da ku rûniştina li ser dosyeya `bûyerên Kobanî` di 20ê Gulanê de berdewam bike.
Duyemîn rûniştina dadgehê li ser dosyeya `bûyerên Kobanî` îro Sêşemê li 22emîn Dadgeha Cezayên Giran a Sîncanê ya li Enqerê birêve diçe
Di rûniştina duyemîn a Doza Kobaniyê de, lijneya dadgehê rûniştina doze wekeo 20ê Gulana 2021ê diyar kir.
Yekemîn rûniştina dadgehê li ser wê dosyayê piştî derbasbûna 6 salan di ser bûyeran re, roja 26ê Nîsana 2021ê li 22emîn Dadgeha Cezayên Giran a Sîncanê hat kirin.
Bûyerên Kobanî ku di rojên 6-8ê Cotmeha 2014an de çêbûn, wek hinceteke serekî bo girtina HDPê tê behskirin.
Di dosyeya bûyerên Kobanî de ligel hevserokên berê yên HDPê Selahattin Demirtaş û Figen Yuksekdag 108 endam û berpirsên HDPê tên dadgehkirin, 28 ji wan çend saleke di zîndanê de ne.
Tê çaverêkirin proseya dadgehkirinê nêzîkî du mehan berdewam bike.
Bûyerên Kobanî
Protestoyên Kobanî ku wek bûyerên 6-8ê Cotmehê jî tên binavkirin, 6-8ê Cotmeha 2014an ji aliyê HDPê û bi beşdarbûna xelkê Bakurê Kurdistanê hatibûn destpêkirin ku armanc ew bû dorpêça li ser Kobanî bi dawî bibe, xeteke însanî ya alîkariyê li sînor bê vekirin û veguhastina çekan bo DAIŞê li ser sînorên Tirkiyê were rawestandin.
Li gor raporta Komelaya Mafên Mirovan a 7-12ê Cotmeha 2014an di encama van bûyeran de bi giştî 46 kesan canê xwe ji dest dabûn, 682 kes birîndar bibûn û 323 kes jî hatibûn desteserkirin. Herwiha li gor amarên ajansa fermî ya Tirkiyê yên wê demê zerar gehiştibû 1113 avahiyan jî.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse