15emîn Fuara Xwirek, Çandinî û Ajeldariyê / Wêne: Anka
Hewlêr (Rûdaw) - 15emîn Fuara Xwirek, Çandinî û Ajeldariyê ya Wanê dest pê kir.
Hejmarek nûnerên saziyên pêwendîdar jî li fuarê amade bûn.
Li gel makîneyên cotkariyê, derman û gubre, berhemên xwarinê jî tên nîşandan.
Koordînatorê Fuara Fuara Xwirek, Çandinî û Ajeldariyê ya Expoyê Veysî Uygun li ser fuarê got:
“Ji parêzgehên derdorê yên wekî Şirnex, Bedlîs, Îdir û heta Agiriyê cotkar û ajeldar beşdarî fuarê dibin.
Em li Wanê mazûvaniya hemûyan dikin.
Bi vî awayî liv û tevgera cotkar û ajeldarên me çêdibe.
Di heman demê de berhemên xwarinê tên nîşandan.
Em cih didin berhemên xwemalî yên 81 parêzgehan û xelkê me dikare were û tam bike.”
Parêzgeha Wanê li gel zivistana xwe ya dijwar navendeke girîng a ajeldariyê ye jî.
Endamê Desteya Birêvebirina Borsaya Bazirganiyê ya Wanê da zanîn, kesên ku bi çandinî û ajeldariyê re mijûl dibin di ser 60 salî re ne û divê ciwan jî karibin bixebitin.
“Alîkariya parêzgeha me zêde ye”
Endamê Desteya Birêvebirina Borsaya Bazirganiyê ya Wanê Turguy Ozak anî ziman:
“Wan li ser asta Tirkiyeyê navendeke girîng a çandinî û ajeldariyê ye.
Li Tirkiyeyê bi giştî 44 milyon ajelên biçûk hene û nêzîkî ji sedî 10ê wan ku dike nêzîkî 4 milyon ajelan, li parêzgeha me ne.
Di şert û mercên zehmet de em cotkarî û ajeldariyê didomînin.
Lewma ji bo aborî, ajeldarî û gastronomiya Tirkiyeyê alîkariya parêzgeha me zêde ye.”
15emîn Fuara Xorak, Çandinî û Ajeldariyê 16ê Nîsanê dest pê kir û dê 5 rojan berdewam bike.
Her wiha 80 kompanya beşdar bûne û Birêvebiriya Daristan û Çandiniyê dê her roj şitlan belav bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse