Hewlêr (Rûdaw) - Li parêzgehên Êlih û Şirnexê derbarê 6 kesên ku di operasyonên 13 û 14 ê Sibatê de hatibûn destserkirin biryara girtinê hat dayîn.
Hêzên ewlehiyê yên Tirkiyeyê 14ê Sibata 2024an li parêzgeha Êlihê di operasyonekê de bi ser çend navnîşanan de girtibûn û 7 kes bi hinceta “endamtiya rêxistinê” deteser kiribûn.
Li gorî zanyariyan doh her 7 kes piştî karûbarên îfadeyê ji bo dadgehê hatin şandin.
5 kes ji aliyê dadgehê ve hatin beraatkirin lê 2 kes ji wan bi biryara dadgehê hatin girtin.
Li navçeyên Hezex, Silopî û Cizîrê yên Şirnexê jî hêzên ewlehiyê yên Tirkiyeyê 13 û 14 Sibatê bi ser çend malan de girtibûn û li wan navçeyan jî 32 kes bi hinceta “propaganda û endamtiya rêxistinê” desteser kiribûn.
Hêzên ewlehiyê kesên li Şirnexê jî hatibûn desteserkirin birin dadgehê.
Dadgehê biryar berdana 28 kesan da lê 4 kes jî bi hinceta “propagandeya rêxistinê” hatin girtin û ew birin girtîgehê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse