Hewlêr (Rûdaw) - Kordînatorê Koşka Spî bo Karûbarên Rojhilata Navîn û Bakurê Afrîkayê Brett McGurk îro li bajarê Hewlêrê bi Serokê Yekîtiya Niştimanî ya Kurdistanê (YNK) Bafil Talebanî û Cîgirê Serokwezîrê Herêma Kurdistanê Qubad Talebanî bicive.
Li gor zanyariyên Rûdawê, îro Sêşemê 17ê Çileya 2023an danê nîvro Kordînatorê Koşka Spî bo Karûbarên Rojhilata Navîn û Bakurê Afrîkayê Brett McGurk bi Serokê Yekîtiya Niştimanî ya Kurdistanê (YNK) û Cîgirê Serokwezîrê Herêma Kurdistanê Qubad Talebanî re dicive.
Li gor agahiyan, civîn li bajarê Hewlêrê tê lidarxistin.
Brett McGurk şeva bihorî bi serdanekê gihîşt paytexta Herêma Kurdistanê bajarê Hewlêrê û her heman şevê bi Serokê Herêma Kurdistanê Nêçîrvan Barzanî re hevdîtin kir.
Li gor daxuyaniya Serokatiya Herêma Kurdistanê, di civînê de Nêçîrvan Barzanî û Brett McGurk pêşhatên herî dawî yên siyasî yên Iraqê, peywendiyên Amerîka bi Iraq û Herêma Kurdistanê re, peywendiyên Hewlêr-Bexdayê û gotûbêjên jibo çareserkirina pirsgirêkên wan, rewşa navxwe ya Herêma Kurdistanê û proseya yekkirina Hêza Pêşmerge gotûbêj kirin.
Di civînê de, Şaniyê Serokatiya Amerîkayê bo Binesaziya Cîhanî û Ewlehiya Enerjiyê Amos Hchstein û Balyoza Amerîkayê ya li Iraqê Alina Romanowskî jî amade bûn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse