Hewlêr (Rûdaw) - Li navçeya Îliçê ya Erzinganê li kanzaya zêran hez li erdê ket, gelek kes di bin de man.
Li kanzaya zêran a li gundê Çoplerê yê navçeya Îliçê hez li axê ket.
Li ser agahdarkirinê gelek tîmên lêgerîn û rizgarkirinê çûn cihê bûyerê.
Li ser îhtîmala kesên ku di bin axê de mabin hene tîman li cihê bûyerê xebatên lêgerin û rizgarkirinê dan destpêkirin.
Parêzgarê Erzinganê Hamza Aydogdu çû cihê bûyerê û got:
“Kesên di binê axê de mane hene hene, hejmar ne diyar e. Xebatên me yên lêgerîn û rizgarkirinê hatin destpêkirin.”
Li navçeya #Îliç`ê ya #Erzingan`ê li kanzaya zêran hez li axê ket
— RudawKurdi (@RudawKurdi) February 13, 2024
Li cihê bûyerê xebatên lêgerîn û rizgarkirina hatin destpêkirin
👇👇https://t.co/movQ1B05hB pic.twitter.com/NuBsGYxueW
AFADê daxuyanî da
Serokatiya Rêveberiya Karesat û Rewşên Bilez (AFAD) li ser bûyerê daxuyaniyek belav kir.
AFADê ragihand ku li navçeya Îliçê ya Erzinganê hez li axê ketiye û wan tîmên AFADê şandine herêmê.
Herwiha AFADê da zanîn ku wan zanyarî wergirtine ku hine welatî di bin axê de mane.
Li gorî AFADê, wan ji Erzingan, Erzirom, Sêwaz, Meletî, Amed, Dêrsim, Tokat û Gîresûnê tîm şandine herêmê.
Lêpirsîn hat destpêkirin
Wezîrê Dadê yê Tirkiyeyê Yilmaz Tunç diyar kir ku ji ber hezîna axê lêpirsîna edlî hatiye destpêkirin û 4 dozger hatine wezîfedarkirin.
9 karker winda ne
Li aliyê din Wezareta Enerjî û Çavkaniyên Xwezayî ya Tirkiyeyê jî li ser hezîna axê daxuyaniyek belav kir.
Wezaretê ragihand ku li gorî zanyariyên destpêkê 9 karkerên kanzayê winda ne û wiha got:
“Di encama hezîna axê de, li gorî tespîtên destpêkê, nikarin xwe bigihînin 9 karkerên madenê.
Xebatên tîmên lêgerîn û rizgarkirinê yên ku sewqî herêmê hatin kirin dewam dike.
Li ser mijarê lêkolîn û lêpirsîn hatiye destpêkirin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse