Hewlêr (Rûdaw) - Li parêzgeha Meletiyê ya Bakurê Kurdistanê di navbera xwediyên dikaneke û mişteriyan de şerê bi çekan çêbû û di şer de 5 kes birîndar bûn.
Li gor zanyariyan, êvara Çarşemê 5ê Hezîrana 2023an li navçeya Battalgazî ya Meletiyê di navbera xwediyên dikanekê û beşek ji mişteriyan de ji ber sedemek nediyar alozî derket.
Piştî demekê, her du aliyan bi çekan şerê hev kirin û ji herdu aliyan 5 kes birîndar bûn.
Li ser agahdarkirinê, tîmên tendirustiyê çûn cihê bûyerê û birîndar rakirin nexweşxaneyê.
Hat ragihandin ku rewşa tendirustiya birîndaran baş e û metirsî li ser jiyana wan nîne.
Hêzên ewlekariyê derbarê bûyerê de lêkolîn dan destpêkirin û dest danîn ser demançeyek û çifteyekê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse