Hewlêr (Rûdaw) - Saziya Keşnasî ya Tirkiyê ragihand ku li 3 parêzgehên Bakurê Kurdistanê û li 24 parêzgehên Tirkiyê dê baraneke zêde bibare û egera lehiyê heye.
Li gor daxuyaniya Saziya Keşnasî a Tirkiyê îro Yekşemê 4ê Hezîrana 2023an li parêzgehên Mereş, Qers û Erzeromê dê baraneke zêde bibare hişyarî hatiye dayîn ku dijî egera lehiyê tedbîrên pêwîst bên wergirtin.
Li piraniya herêmên Tirkiyê jî bo dema hefteyekê dê baran bibare û li parêzgehên wek Sakarya, Kayseri, Kirşehir, Nevşehir, Amasya, Tokat û Çorumê jî hişyariya lehiyê hatiye dayîn.
Tê pêşbînîkirin ku vê hefteyê li parêzgehên Bakurê Kurdistanê pileya germê 2 heta 6 pileyan zêde bibe û li çend herêman jî ba û bahoz çêbibe.
Herwiha tê pêşbînîkirin ku di meha Hezîranê de jî li seranserê Tirkiyê barîna baranê berdewam be.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse