VÎDEO - Qerejdax: Daholvanekî dema ku li daholê dixist canê xwe ji dest da

Hewlêr (Rûdaw) - Li Navenda Kaşûnê ya Qerejdaxê daholvanekî dema ku ji geştiyaran re li daholê dixist krîza dil derbas kir û canê xwe ji dest da.

Li Navenda Kaşûnê ya Çiyayê Qerejdaxa Rihayê roja şemiyê, daholvanekî ku navê wî nehat zanîn dema ku ji geştyarên li navendê re li daholê dixist krîza dil derbas kir.

Li ser agahdarkirinê tîmên tenduristiyê çûn cihê bûyerê.

Piştî midaxeleya destpêkê tîman daholvan bir nexweşxaneyê lê tevî hewldanan jî wî canê xwe ji dest da.

Navenda Kaşûnê ya Çiyayê Qerejdaxê derdora 60 kîlometre dûrî parêzgeha Amedê ye û di nav sînorê parêzgeha Rihaya Bakurê Kurdistanê de ye.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger