Hewlêr (Rûdaw) - Li navçeya Paltokan a ser bi parêzgeha Erzeromê ya Bakurê Kurdistanê ve, agir bi boriya gaza xwezayî ket û di encam de 2 karker birîndar bûn.
Li gor zanyariyan îro 1ê Cotmeha 2022ê li navçeya Paltokan a ser bi parêzgeha Erzeromê ya Bakurê Kurdistanê, dema karkerên hêla gaza xwezayî kar dikirin, yek ji boriyên gaza xwezayî qul bû û agir girt.
Di bûyerê de 2 karkerên ku hewil didan boriyê çak bikin birîndar bûn. Li ser agahdarkirinê tîmên agirvemirandinê hatin cihê bûyerê û agir vemirandin.
Herdû karkerên ku birîdar bûne ji aliyê tîmên tendirustî ve li cihê bûyerê hatin derman kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse