Hewlêr (Rûdaw) - Li parêzgeha Erzeromê ya Bakurê Kurdistanê xwediyê 9 erebaneyan (fayton) ên ku xwepêşandan kirin hatin desteserkirin.
Şaredariya Bajarê Mezin a Erzeromê bi hinceta ku xelk bêzar dibe û di çûnûhatina nav bajêr de pirsgirêk derdikevin karên erebaneyan qedexe kir.
Xwediyên erebaneyan li dijî biryara şaredariyê nerazîbûna xwe nîşan dan û li kolana sereke ya bajêr rê girt.
Li ser agahdarkirinê hejmareke zêde ya hêzên ewlehiyê çûne cihê bûyerê.
Di navbera xwediyê erebaneyan û hêzên ewlehiyê de alozî derket û di encamê de yek jê zarok 9 kes hatin desteserkirin.
Kesên ku hatine desteserkirin birine Rêveberiya Ewlekariyê ya Erzeromê.
Hêzên ewlehiyê herwiha dest daniye ser 2 erebane û 4 hespan jî.
Li aliyê din kesekî ku di xwepêşandanê de xwe bi kêrê birîndar kir ji bo Nexweşxaneya Bajêr a Erzeromê hate birin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse