Hewlêr (Rûdaw) - Li navçeya Qilebanê ya Şirnexê alîgirên DEM Partiyê li dijî encamên hilbijartinê û veguhastina hilbijêran xwepêşandan kir û heta ber avahiya Desteya Hilbijartinê ya Navçeyê meşiyan.
Di hilbijartinên şaredariyan yên 31ê Adarê de li Qilebanê AK Partiyê ji sedî 47,63yê dengan û DEM Partiyê jî sedî 45,75ê dengan bi dest xistin.
Rêxistina DEM Partiyê ya Qilebanê ragihand ku AK Partiyê 2 hezar û 500 dengên hêzên ewlehiyê ji deverên din veguhastine navçeya Qilabanê da ku deng bidin namzedê wê.
Bi gotina rêvebirên Rêxistina DEM Partiyê ya Qilebanê dengên polîs û leşkerên ku hatine veguhastin bandor li encama hilbijartinê kiriye.
Alîgirên DEM Partiyê wekî nerazîbûn heta ber avahiya Desteya Hilbijartinê ya Navçeyê meşiyan û wan dirûşmên “Deng namûs e û li namûsa xwe xwedî derkeve” bilind kirin.
Li ser navê xwepêşanderan, Parlamentera DEM Partiyê ya Şirnexê Newroz Uysal Aslan û nûnerên partiyê li Desteya Hilbijartinê encama hilbijatinên wê navçeyê îtiraz kir û derbarê veguhastina dengan gilî kir.
Namzedê serketî yê AK Partiyê tenê bi 127 dengan li pêş Namzedê DEM Partiyê ye.
Li gorî agahiyan, Desteya Hilbijartinê ya Qilebanê dê sibe bicive û îtiraza DEM Partiyê ya derbarê encamên hilbijartinê binirxîne.
Şırnak Uludere'deki seçim hilelerine karşı halkımız İlçe Seçim Kuruluna yürüyor. Kaçak seçmenlerle irademizi gasp edemezsiniz. Bizim olanı alacağız! pic.twitter.com/oC5gr79cTk
— DEM Parti (@DEMGenelMerkezi) April 1, 2024
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse