Hewlêr (Rûdaw) - Li parêzgehên Mûş û Agiriyê yên Bakurê Kurdistanê bandor sir û sermayê berdewam dike.
Li Mûş û Agiriyê li hinek herêman berf heta 3 metreyan bilind bûye.
Bi şevan pileya germê heta bin sifrê 20 pileyan dadikeve.
Ji ber berfê rêya bi dehan gundan hatiye girtin û xebatên vekirina rêyan berdewam e.
“Li hinek cihan berf 2-3 metreyan bilind bûye”
Şofêrê makîneya kar Mucahit Yildirim got:
“Em niha li herêma Cevizdereyê ne. Tekoşîna me ya li dijî berfê berdewam e.
Berfa ku berî du rojan bariya vegeriya pûkê. Li hinek cihan 2-3 metreyan bilind bûye.
Em paqij dikin, înşallah dê îro xilas bibe.”
Li parêzgeha Agiriyê jî bi heman awayî sermayeke zêde heye û Çemê Bêgiriyê qeşa diherike.
“Berfa berê tine”
Niştecihê Mûşê Riza Boga jî got:
“Helbet demsala me ya zivistanê diyar e, berfa berê tine. Sermaya hişk a berê jî tine.
Niha pile di bin sifrê de 15 ye lê tu dibêjî qey di bin sifrê de 4-5 e. Hewa xweş e lê em dicemidin. Zivistana me wiha ye, bajarê herî sar ê Rojhilat, Agirî ye.”
Li bajarên Serhedê yên Bakurê Kurdistanê ji ber berf û pûk û sermaya zêde camên kargeh û otomobîlan qeşa girtin û hinek welatî bi betaniyeyan otomobîlên xwe ji sermayê diparêzin.
Sermaya zêde bandoreke xirab li jiyana rojane ya welatiyan kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse