Konsera Koma Niştiman li Fransayê :Wêne Rûdaw
Hewlêr (Rûdaw)- Bi sponsoriya Tora Medyayî ya Rûdawê Koma Niştiman a muzîkê li Fransayê 3 konser li dar xistin.
Koma Niştiman bi projeyên xwe yên yekem û duyem beşdarî 50 festîvalên muzîkê yên navneteweyî bûye.
Koma Niştiman bi projeya Newrozê di navbera 5-7ê Hezîranê de li Fransayê 3 konser li dar xistin.
Di gera hunerî ya Fransayê de konser li salonên operayê yên bajarên Oyonnax, Nantes û Perigueuxê hatin pêşkêşkirin.
Projeya sêyem a Koma Niştiman bi navê "Newroz" û bi navê "Nîşman 3" jî tê naskirin.
Projeya Newroz sala 2022an hatiye amadekirin
Koma Niştiman projeya Newrozê sala 2022an derxistiye, projeya yekem sala 2013an û ya duyem jî sala 2013an de hatiye derxistin.
Hejar Zehawî hem berpirsê komê ye û hem li erbanê dixe. Eyûb Elî wekî stranbêj, Goran Kamil wekî bestekar û ûdî di komê de ye.
Robîn Vasî jî di komê de li ser enstrûmanên rîtmîk kar dike. Mîlad Mihemedî jî tarjen û Mistefa Talib jî kemanjen e.
Her wiha Ertan Tekîn jî bilûrvan e û di komê de li ser enstrûmanên nefesê kar dike.
Piştî guhdarîkirina muzîk û stranên Kurdî yên Koma Niştiman temaşevan kêfxweş bûn û çepik ji komê re lê xist.
Hinek ji beşdaran piştî konseran berhemên komê kirîn û endamên komê berhemên xwe ji bo hunerhezan îmze kir û bi hunerhezan jî re wêne kişand.
Nivîskar û rojnameger Soran Neqşbendî jî di gera hunerî de bi komê re bû.
Armanca komê ew e ku muzîka Kurdî bi cîhanê bide naskirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse