یەکێک لەو چاڵاوانەی کە بەهۆی بوومەلەرزەوە لە کرواتیا دروستبووە. وێنە: AFP
رووداو دیجیتاڵ
لە کرواتیا بەهۆی کاریگەریی بوومەلەرزەوە ژمارەیەک چاڵی گەورە لە زەویدا دروستبوون.
بوومەلەرزەکە رۆژی 3ی ئەم مانگە بە گوڕی 6.4 پلەی رێختەر لە دووریی 40 کیلۆمەتر لە باشووری رۆژئاوای شاری زاگرێبی پایتەختی ئەو وڵاتە روویدابوو، لە دەرەنجامی ئەوەش لە رۆژانی دواتردا نزیکەی 100 چاڵی چێوە بازنەیی دروستبوون کە تیرەی هەندێکیان لە 10 مەتر زیاترە و قووڵاییان دەگاتە 15 مەتر.
بەگوێرەی زانایانی جیۆلۆجی، هۆکاری دروستبوونی ئەو چاڵانە بۆ جۆری خاکەکە دەگەڕێتەوە کە بەردی کلسی و رێژەیەکی زۆری ئاوی ژێر زەویی تێدایە.
ئەمە جاری یەکەمە لە کرواتیا رۆچوونی زەوی بەم شێوەیە رووبدات و لە جیهانیشدا بە دیاردەیەکی دەگمەن دادەنرێت.
بەپێی زانیاریی ئاژانسە هەواڵییەکانی جیهان، بەهۆی بوومەلەرزەکەوە حەوت کەس گیانیان لەدەستداوە و زیانێکی زۆری ماددیش کەوتووەتەوە.
لە کرواتیا بەهۆی بوومەلەرزەوە دەیان چاڵ دروستبوون
وێنەکان: AFP pic.twitter.com/wJbtzS3Lxk— Rudaw (@Rudawkurdish) March 11, 2021
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ